संकल्प सञ्चार । नेकपा (माओवादी केन्द्र) बिर्तामोड नगर कमिटिको दोस्रो अधिवेशन माेहन सुब्बाकाे अध्यक्षतामा ४५ सदस्यीय नगर समिति चयन गर्दै सम्पन्न भएकाे छ । बिर्तामाेड स्थित गाैरिशङ्कर स्मृति प्रतिष्ठान ( माओवादी जिल्ला पार्टी कार्यालय) मा साेमबार भएकाे अधिवेशनले उक्त कमिटी चयन गरेकाे हाे ।
सर्वसम्मत रूपमा गठन भएकाे कमिटीकाे उपाध्यक्षमा रन्जन धमला ,हाइ कुमार राई प्रकाश ,शुसिला पाण्डे सचिव जगन्नाथ भट्टराई, सह-सचिव भगवती मेचे ,कोषाध्यक्ष प्रज्वल कडरिया चयन भएका छन् ।
कार्यक्रममा पार्टीका केन्द्रीय सदस्य तथा प्रदेश सहइन्चार्ज अजम्बर काङमाङ राईको प्रमुख आतिथ्य, पार्टीका केन्द्रीय सदस्य तथा पूर्व मन्त्री तथा प्रदेश सहईन्चार्ज धर्मशिला चापागाई, पार्टी जिलल्ला सहईन्चार्ज राेशन कन्दङवा, बाेधराज दहाल साथै पार्टीका प्रदेश नेताहरू भुपाल सापकाेटा, कल्पना कार्की, खड्ग तिम्सिना, प्रदेश सांसद अनिसा झाँगड लगायत करिब दुईदर्जन नेता सहित सहभागी प्रतिनिधि पर्यवेक्षककाे उपस्थितिमा नगर अधिवेशन सम्पन्न भएकाे छ ।
करिव १२ बजेबाट शुरू भएकाे कार्यक्रममा बाेल्दै कार्यक्रमका प्रमुख अतिथि अजम्वर कामवाङ राईले नेपालकै राजनीतिक केन्द्रकाे रूपमा रहेकाे बिर्तामोड नगरले नयाँ भिजन दृष्टिकोण सहित आफुलाई उदाहरणीय र नमुना नगरकाे रूपमा चिनाउन सक्ने गरि संगठन निर्माण र परिचालन हुनु पर्ने भन्दै आउदाे चुनाव सम्ममा नगरका बहुमत वडा सहित सिंगाे नगरमा विजयी हुने हिसाबले काम गर्नु पर्ने सुझाव दिएका छन् ।
त्यसैगरी माओवादी नेतृ पुर्वमन्त्री धर्मशिला चापागाईले कार्यक्रममा बाेल्दै पार्टीको अधिबेशनकाे महत्त्वलाई सबै कार्यकर्ताले महत्वकासाथ बुझ्नु पर्ने भन्दै पार्टीको कार्यदिशा र विचारलाई बुझ्दै पार्टी निर्माणमा लाग्नु पर्ने भन्दै जिल्ला देखि पालिका र वडा सम्मका हरेक नेता कार्यकर्ता राजनीतिक रूपमा प्रचण्ड जतिकै जिम्मेवार बन्नु पर्ने र पार्टी निर्माणकालागि सबै प्रचण्ड बन्नु पर्ने बताएकी छिन् ।
कार्यक्रममा बाेल्दै माओवादी जिल्ला संयाेजक अग्नीले पार्टी भित्र रहेका केही बेमेल र अन्तरविराेधहरू छन भने मित्रतापुर्ण ढङ्गबाट समाधान गर्दै पार्टी निर्माणमा एकढिक्का भएर लाग्नु पर्ने बताएका छन् । कार्यक्रमकाे अध्यक्षता माओवादी बिर्तामोड नगर अध्यक्ष माेहन सुब्बाले गरेका थिए भने कार्यक्रमकाे सञ्चालन बिर्तामोड नगरका सचिव गणेश कालिकाेटेले गरेका थिए ।
