सलिना भण्डारी, फिदिम
पाँचथरको फिदिममा वित्तीय साक्षरता तथा लगानीकर्ता सचेतना अभिवृद्धि कार्यक्रम सम्पन्न भएको छ । मल्ल एण्ड मल्ल स्टक ब्रोकिङ कम्पनी फिदिम शाखाले विश्व वित्तीय सप्ताह (Global money week 2025) को अवसरमा कार्यक्रमको आयोजना गरेको हो । कार्यक्रममा फिदिम माद्यमिक विद्यालयका शिक्षक तथा कक्षा ११ र १२ मा अध्ययनरत विद्यार्थीहरुको सहभागिता रहेको थियो ।
प्राथमिक सेयर भर्ने तरिका तथा शेयर बजारबाट हुने विभिन्न फाइदा लगायत बिषयमा मल्ल एण्ड मल्ल फिदिम र इलाम शाखाका इज्चार्ज दिपेन्द्र थेबले कार्यक्रमको सहजीकरण गर्नु भएको थियो । कार्यक्रममा प्राथमिक सेयर (IPO) र सेकेण्डरी सेयरको बारेमा जानकारी गराइएको एण्ड मल्ल फिदिम शाखाका प्रमुख अमिर शकंरले जानकारी दिनुभयो ।
कार्यक्रममा बोल्दै फिदिम माद्यमिक विद्यालयका शिक्षक हेमकृष्ण चापागाईले प्राथमिक सेयर भर्नाले विद्यार्थीमा बचत गर्ने बानीको समेत विकास हुने बताउनुभयो । त्यस्तैगरी प्रमुख अतिथि फिदिम माविका प्रधानाध्यापक बिनोद ठाकुरले विद्यालयमा कार्यक्रमको आयोजना गरी विद्यालयका शिक्षक तथा विद्यार्थीलाई शेयर बजार सम्बन्धी जानकारी गराएकोमा मल्ल एण्ड मल्ल फिदिम शाखालाई धन्यवाद दिनुभयो । कार्यक्रम मल्ल एण्ड मल्ल फिदिम शाखाका प्रमुख अमिर शकंरको अध्यक्षतामा सम्पन्न भएको थियो ।
