CNN को रिपोर्ट अनुसार
• वासिङ्टन डीसी बाहिर रीगन नेशनल एयरपोर्टमा अवतरणको क्रममा अमेरिकी एयरलाइन्सको यात्रुबाहक विमान र अमेरिकी सेना अन्तर्गतको ब्ल्याक हक हेलिकप्टर आपसमा ठोक्किएको संघीय उड्डयन प्रशासन र रक्षा अधिकारीहरूले बताएका छन्।
• मेट्रोपोलिटन प्रहरी विभागका अनुसार हालसम्म कुनै पनि हताहत पुष्टि भएको छैन। डीसीको पोटोम्याक नदीमा ठूलो आपतकालीन उद्धार कार्य जारी छ।
• विमान अमेरिकन एयरलाइन्स फ्लाइट 5342 थियो, जसमा 60 यात्रु र चारजना चालक दलका सदस्य थिए। यो विमान विचिटा, कान्सासबाट उडेको थियो। हेलिकप्टरमा तीनजना सैनिक सवार रहेको अमेरिकी रक्षा अधिकारीहरूले बताएका छन्।
• रीगन नेशनल एयरपोर्टमा सबै उडान र अवतरण रोकिएको छ। अमेरिकन एयरलाइन्सले घटनाबारे जानकारी लिनका लागि परिवारजनलाई सहायता गर्न हटलाइन जारी गरेको छ।
“यदि तपाईंको प्रियजन फ्लाइट 5342 मा हुन सक्ने अनुमान छ भने, अमेरिकन एयरलाइन्सको टोल-फ्री नम्बर 800-679-8215 मा सम्पर्क गर्नुहोस्,” कम्पनीले एक वक्तव्यमा भनेको छ।
“अमेरिकाबाहिरबाट सम्पर्क गर्न चाहनेहरूले news.aa.com मा गएर थप फोन नम्बरहरू प्राप्त गर्न सक्नुहुन्छ। क्यानडा, प्युर्टो रिको वा यूएस भर्जिन आइल्याण्डका परिवारजनले 800-679-8215 मा प्रत्यक्ष सम्पर्क गर्न सक्नेछन्,” कम्पनीले थप जानकारी दिएको छ।
घटनाबारे थप विवरण प्राप्त भएमा सार्वजनिक गरिने अमेरिकन एयरलाइन्सले जनाएको छ।
