संकल्प सञ्चार /आज एकै दिन सुनकाे मुल्य ४ हजार रूपैयाँ घटेकाे छ । शुक्रबार १ लाख ४५ हजार रुपैयाँ पुगेर रेकर्ड कायम गरेको सुनको मूल्य एकैदिन यति धेरै घटेकाे हाे ।
नेपाल सुन चाँदी व्यवसायी महासंघका अनुसार आज आइतबार प्रतितोला छापावाला सुन १ लाख ४१ हजार रुपैयाँमा कारोबार भइरहेको छ भने तेजाबी सुन १ लाख ४० हजार ३ सय रुपैयाँमा कारोबार भइरहेको छ । शुक्रबार तेजाबी सुन १ लाख ४४ हजार ३ सय रुपैयाँमा कारोबार भएको थियो ।
त्यस्तै आज चाँदी प्रतितोला १ हजार ८२५ रुपैयाँमा कारोबार भइरहेको छ भने शुक्रबार प्रतितोला चाँदीको मूल्य १ हजार ९ सय रुपैयाँमा कारोबार भएको थियो ।
