सलिना भण्डारी-फिदिम/मेची राजमार्ग अन्तर्गत पर्ने पाँचथरको जोरपोखरी – गोपेटार सडक खण्डमा बोलेरो दुर्घटना भएको छ । आज दिउसो करिब ३:१० बजे हिलिहाङ गाउँपालिका वडा नं ३ किसेनी खोलामा दुर्घटना भएको हो । जोरपोखरीबाट गोपेटारतर्फ जाँदै गरेको बोलेरो सडकभन्दा अन्दाजी ३ मिटर तल खसेको जिल्ला प्रहरी कार्यालय पाँचथरले जनाएको छ । दुर्घटनामा एकै परिवारका ३ जना आमाछोरी सहित ८ जना घाइते भएका छन् ।
घाइते हुनेमा ताप्लेजुङ फुङलिङ २ बस्ने बर्ष ३० कि कला लिम्बु, उनका छाेरीहरू कृष्टिन लिम्बु र कृष्टिना लिम्बु, सोहि ठाउँका बर्ष ७२ कि सुरज कुमारी लिम्बु, सोहि ठाउँका बर्ष ३१ का कमल लिम्बु, फुङलिङ १ बस्ने बर्ष १७ को अर्जुन सापकोटा, सोहि ठाउँका बर्ष २३ कि संगीता सापकोटा र चालक पाँचथरको कुम्मायक ३ रानीगाँउ बस्ने बर्ष ३३ को खगेन्द्र गदाल रहेका छन् । अर्का एकजना भने सकुशल रहेकाे प्रहरीले जनाएको छ । घाइतेहरूको स्थानीय स्वास्थ्य संस्था र फिदिम स्थित समर्पित अस्पतालमा उपचार भइरहेको जिल्ला प्रहरी कार्यालय पाँचथरका सुचना अधिकारी प्रहरी निरिक्षक बिनालाल साह तेलीले जानकारी दिनुभयो ।सडकमा बाक्लो हुस्सुले गर्दा बाटो राम्रोसँग नदेख्दा दुर्घटना भएको चालक खगेन्द्र गदालले बताएका छन्।
