संकल्प सञ्चार । नेपाली कांग्रेसले केन्द्रीय कार्यसमितिको आकस्मिक बैठक बोलाएको छ ।
केन्द्रीय कार्यसमितिका सदस्य एवम् पूर्व मन्त्री केशवकुमार बुढाथोकीको सोमबार राति निधन भएकोले उनको शोक प्रस्ताव पारित गर्न आकस्मिक बैठक बोलाइएको हो ।
देशैभरि समुदायमा कांग्रेस अभियान चलिरहेको र नेताहरू जिल्ला जिल्ला पुगेका भए पनि सभापति शेरबहादुर देउवाले आकस्मिकरुपमा केन्द्रीय कार्यसमितिको बैठक बोलाएका हुन् । बैठक मंगलबार बिहान १०ः३० मा सानेपास्थित पार्टी केन्द्रीय कार्यालयमा बस्दै छ ।
