झापाको शिवसताक्षी नगरपालिका–११ दुधेमा एक महिलाको शव नग्न अवस्थामा फेला परेको छ।
५५ वर्षीया गंगाकुमारी लिम्बू, जो एक्लै बस्दै आएकी थिइन्, उनको शव मङ्गलबार राति आफ्नै घरभित्र भेटिएको वडाध्यक्ष बहादुर आङ्बोले जानकारी दिए।
छिमेकीहरूका अनुसार, उनी सोमबारदेखि सम्पर्कमा थिइनन्। घरको झ्यालबाट भित्र हेर्दा भान्सा कोठामा लडिरहेको देखेपछि प्रहरीलाई खबर गरिएको थियो।
सूचना पाएपछि इलाका प्रहरी कार्यालय झिलझिलेको टोली घटनास्थल पुगेर ढोका फोरेर शव बाहिर निकालेको थियो र त्यसपछि दमक अस्पताल पुर्याइएको थियो।
वडाध्यक्ष आङ्बोका अनुसार गंगाकुमारीका श्रीमान भारतमा बस्दै आएका छन्। हालसम्म मृत्युको कारण स्पष्ट नभएको र घटनाबारे अनुसन्धान भइरहेको प्रहरीले जनाएको छ।
